ഗുരുശിഷ്യബന്ധം!
(ഉന്നത) ഗുരുശിഷ്യബന്ധത്തിന്റെ പവിത്രതയറിഞ്ഞീടാൻ പൗരാണികകാലത്തേക്കു മോദമായി യാത്രപോകാം. ധരിത്രിതൻ പവിത്രമാമാരണ്യത്തിന്നുദ്യാനത്തിൽ, അരിയവേലകൾ കാട്ടി നില്പതുണ്ടേ ശാഖിവൃന്ദം. സാലങ്ങൾതൻ സംഘത്തിലായ് നേതാവായി നിൽപ്പൂ വൃക്ഷം ആലോലമായാടുന്നുണ്ട് ആനന്ദത്തിൽ മുങ്ങിപ്പൊങ്ങി. കാന്താരത്തിൻ പേരാൽച്ചോട്ടിൽ ചൈതന്യമോലും പ്രതിമ, ദ്രോണാചാര്യഗുരുവിന്റെ ദേവതുല്യമൂർത്തി കാണാം. ഗുരുപാഠം കിട്ടിയില്ലാ ഏകലവ്യാനാം വേട ന്നായ് ഗുരുവിൻറെ മൂർത്തിമുന്നിൽ വേല സാധകം ചെയ്തവൻ. മെയ്യുകൊണ്ടും മനംകൊണ്ടും ശീലിച്ചെല്ലാമേകലവ്യൻ ആയുധവിദ്യയിലായി കേമത്തം സ്വായത്തമാക്കി. വേടനായ ഏകലവ്യനന്ന്യമാണാചാര്യപാഠ- മടവിൻ നൈപുണ്യം തോറ്റു വേടന്റെ ശ്രമത്തിൻ മുന്നിൽ. പാടവം സാഷ്ടാംഗം ചെയ്തു ഏകലവ്യനെ വന്ദിച്ചു, ആടൽമാറ്റി വേടൻ തയ്യാർ വേലകൾ സ്വന്തമായപ്പോൾ. ഗുരുവെത്തീ വനത്തിലായ് വരേണ്യശിഷ്യന്മാരൊപ്പം, ഗുരു...
