തുമ്പപ്പൂവ്!

 

       

 

         (കാകളി) 

"തുമ്പച്ചെടിക്കുമേൽ ചോറാരു ചേറി  ഹാ!

ഇമ്പമേകീടുന്ന  ദൃശ്യമോ സുന്ദരം. 

കമ്പമോടീവറ്റു കൈകളിലേന്തുമോ ,

കുമ്പകൾ ശൂന്യമാം കിടാങ്ങൾ പാവങ്ങൾ?

 

"അല്ലല്ലൊ,   തുമ്പപ്രസൂനമല്ലോ  കുട്ട! ,   

വല്ലതും ചിന്തിച്ചു  മിത്രമേ!  നുള്ളല്ലെ.”

കല്ലിനേം  മുള്ളിനേം നെഞ്ചോടുചേർക്കുന്ന,

അല്ലലെ മാറ്റുവാനോതിയാ തോഴിയാൾ .

"മുത്തുകൾ പോലുള്ള തൂവെള്ളവർണ്ണത്തിൽ,

എന്തോരു ഹാരിത പുഞ്ചിരിച്ചീടും പൂ.

ചിന്തിക്കുവാഗതമോണവും മന്നനും,

ചന്തത്തിൽ നാം ബാലർ തീർക്കും മലർക്കളം.

ചുംബനം നല്കീട്ടു  മൈത്രിദൃഢമാക്കാൻ 

തുമ്പികൾ  വന്നിടും  കാമിച്ചു പുഷ്പത്തെ.    

തുമ്പതൻ പുഷ്പങ്ങൾ പൂക്കളഭൂഷണം,

തമ്പുരാൻ തുമ്പക്കളംനോക്കി രസിക്കും."