ദിവ്യരാഗം
രണ്ടാൾ മംഗല്യകാരണമേകമായ്, മൂകമായ് സ്നേഹയീണം വിളമ്പിടും. ഭാവം, താളവും ചേർന്നു ശ്രുതിയുമായ്, ദിവ്യരാഗമായ് മാറ്റുള്ള ദാമ്പത്യം. വിട്ടുവീഴ്ചതൻ സൂനഹാരങ്ങളെ, വേളിതൻ വാടി കാട്ടിത്തരും നൂനം. അന്യോന്യം പങ്കുവയ്ക്കുന്ന കാര്യങ്ങൾ ധന്യമാക്കണം പാതിമെയ്മൂല്യങ്ങൾ. ഇന്നിൻ വക്ത്രത്തെ ദർപ്പണേ ദർശിച്ചാൽ, പൊന്നാം കല്യാണരൂപങ്ങൾ ദുർലഭം. മാതാ, സോദരി, രാഹുകേതുക്കളായ് മാത്രം കാണുന്നു 'ന്യൂജെൻ' വിഭാഗക്കാർ. "വേണ്ട കുട്ടികൾ പട്ടിനല്ലൂ കൂട്ടായ് ഇണ്ടലേറ്റും പ്രസവം പ്രയാസമാം. വണ്ടിയുണ്ടു പണത്തിനും മുട്ടില്ല, വേണ്ടപോൽ തുഷ്ടി കിട്ടും," നിനപ്പവർ. 'ന്യൂജെൻ, ജെൻസി'യാം വാക്കുകൾ മോദമായ്, നാട്ടിൽ കൈകോർത്തു ചെയ്വൂ 'ബെല്ലി നൃത്തം' . വേണ്ടാ മംഗല്യബന്ധനമൊന്നിക്കാൻ വാഴാമല്ലാതെ മോദമായ് ജീവിക്കാം. വ്യാപാരക്കട, ഹോട്ടൽ, കഫേകളും വെള്ളിവെട്ടത്തിലിഷ്ടങ്ങൾ സാധിപ്പു. പാത്രം, പാചകം, ഭക്ഷണം വീട്ടിലായ് പാടേയില്ല ബാഹ്യസ്ഥലത്തായിയൂൺ. വൃദ്ധരാകുമ്പൊഴൊറ്റപ്പെടും വേള, വ്യർത്ഥമായ് ജീവനെന്നങ്ങു കേണിടും. സ്വന്തം സ്വാതന്ത്ര്യവും വിട്ടുപോയിടും സ്വാസ്ഥ്യമെങ്ങാൻ മറഞ്ഞങ്ങു പോയെങ്കിൽ. നിങ്ങൾക്കെന്...